Türkmənistan, Aşqabad, 27 mart / Trend , müxbir H.Həsənov/
Türkmənistan Prezidenti Qurbanqulu Berdımuhammədov ölkənin yanacaq energetika komplekslərinin top-menecerlərinə müraciət edərək, aparıcı xarici şirkətlərlə qarşılıqlı mənfəətli əməkdaşlığın imkanlarından optimal istifadənin əhəmiyyətini qeyd edib.
"Nazirlər Kabinetindəki müşavirədə Berdımuhammədov neft-qaz, kimya və təkrar emal sahəsində istehsalın artırılmasının vacibliyini vurğulayıb", - Türkmənistan hakimiyyətinin mətbuat xidməti məlumat verir.
BP-nin hesabatına əsasən, Türkmənistan təbii qaz ehtiyatına görə dünyada Rusiya, İran və Qətərdən sonra 4-cü yeri tutur. Türkmənistan bazarında PSA çərçivəsində RF, İngiltərə, Almaniya, İtaliya, Malayziya, BƏƏ, Kanada və Çin şirkətləri işlər aparır.
Xüsusilə də Xəzər dənizinin Türkmənistan hissəsində karbohidrogen ehtiyatlarının tədqiq edilməsi üçün "Petronas", "Dragon Oil", "Burried Hill", RWE, "İtera" şirkətləri cəlb edilib. Çinin CNPC şirkəti Amudəryada işlər aparmaq üçün eksklüziv hüquq əldə edib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
