Azərbaycan, Bakı, 18 iyun /Trend/
Azərbaycan Respublikası Dövlət Neft Şirkəti (ARDNŞ) yanvar-may aylarında əhaliyə 1 milyard kubmetrdən çox qaz verib. Bu barədə ARDNŞ-nin məlumatında deyilir. Mayda əhaliyə 135 milyon kubmetr qaz verilib.
Şirkət yanvar-mayda istehsal müəssisələrinə 445,7 milyon kubmetr qaz tədarük edib. Mayda istehsal müəssisələrinə 86,2 milyon kubmetr qaz tədarük edilib.
Yanvar-mayda kommunal büdcə müəssisələrinə 147,3 milyon kubmetr qaz tədarük edilib. Mayda bu göstərici 8 milyon kubmetr təşkil edib.
ARDNŞ yanvar-may aylarında Naxçıvan Muxtar Respublikasının Energetika İdarəsinə 38,5 milyon kubmetr qaz göndərib. Mayda bu göstərici 5,9 milyon kubmetr təşkil edib.
Əvvəllər ölkə daxilində bütün qaz əməliyyatları "Azəriqaz" QSC tərəfindən həyata keçirilib. Ötən ilin iyununda "Azəriqaz" QSC İstehsalat Birliyi qismində ARDNŞ-nin tərkibinə daxil edilib.
