Azərbaycan, Bakı, 5 iyul /Trend/
Yanvar-iyunda ARDNŞ Rusiyaya ortatəcili saziş əsasında 428,2 milyon kubmetrdən çox qaz ixrac edib. Bu barədə ARDNŞ-in bazar ertəsi yayılan məlumatında deyilir.
Məlumatda deyildiyinə görə, Rusiyaya 81,54 milyon kubmetr Azərbaycan qazı ixrac olunub.
Azərbaycan qazının Rusiyaya alqı-satqısına dair ortamüddətli müqavilə 2009-cu il oktyabrın 14-də Bakıda imzalanıb. 2010-2014-cü illəri əhatə edən müqaviləyə əsasən, Azərbaycan tərəfi hər il Rusiyaya 500 milyon kubmetrdən az olmayaraq, qaz tədarük edəcək. Müqavilədə qaz tədarükünün həcmi göstərilməyib. ARDNŞ bir il əvvəlcədən qarşı tərəfi tədarük edə biləcəyi həcm barədə məlumatlandıracaq.
Azərbaycan qazının Rusiyaya nəqli 2010-cu ilin yanvarından başlanılıb.
Bu il Rusiyaya bir milyard kubmetr Azərbaycan qazı ixrac olunacaq. Həmçinin, ARDNŞ və "Qazprom" 2011-ci ildə Rusiyaya nəql ediləcək qazın həcmi barədə razılığa gəliblər. Növbəti ildə bu göstərici, təxminən, iki milyard kubmetr təşkil etməlidir.