Azərbaycan, Bakı, 2 avqust /Trend/
ARDNŞ-nin Ekologiya İdarəsinin Ekoloji ölçmə və tullantıların idarəolunması Departamentinin Ekoloji Ölçmə Mərkəzi Azərbaycan Standartlaşdırma, Metrologiya və Patent üzrə Dövlət Komitəsi tərəfindən ölkədə fəaliyyət göstərən anoloji laboratoriyalar arasında ilk dəfə olaraq AZS milli akkreditasiya sistemində texniki səlahiyyətliyə və müstəqilliyə akkreditasiya olunub. Bu barədə ARDNŞ-nin bazar ertəsi yaydığı məlumatda deyilir.
Mərkəzə AZ 031/11. 1/02.0186.01.10 №-li akkreditasiya attestatı verilib.
Akkreditasiya attestatının əldə olunması ARDNŞ-nin Ekologiya İdarəsinə bütün nəqliyyat vasitələrindən atmosferə atılan zərərli qazların ölçülməsi üçün geniş imkanlar yaradır. Artıq Ekologiya İdarəsi istənilən müəssisə və təşkilatın müraciəti əsasında mövcud ekoloji durumun yaxşılaşdırılması istiqamətində beynəlxalq standart və normalara cavab verən ekoloji işlərin, xidmətlərin, elmi tədqiqatların, eksperimentlərin, yeni texnika və texnologiya sınaqlarının həyata keçirilməsi sahələrində əməkdaşlıq etməyə tam hazırdır.
Hazırda ARDNŞ-nin idarə və müəssisələrinin balansında olan nəqliyyat vasitələrindən atmosferə atılan işlənmiş qazların nəzarətdə saxlanmasını təmin etmək məqsədi ilə Ekologiya İdarəsində 3 ekoloji ölçmə məntəqəsi (Balaxanı, Bibiheybət və Hövsan) fəaliyyət göstərir.
