Аzərbaycan, Bakı, 2 sentyabr /Trend/
"Ekol Mühəndislik Xidmətləri" QSC ARDNŞ-nin (Azərbaycan Respublikası Dövlət Neft Şirkəti) "Siyəzənneft" NQÇİ-nin mədən ərazilərində bioremediasiya işlərinin əsas mərhələsinə başlayıb. Bu barədə QSC-nin rəsmi saytında yerləşdirilmiş məlumatda deyilir.
Məlumatda deyildiyi kimi, cari ilin fevral ayından başlayaraq indiyədək layihə ərazilərindən 46 min kubmetrə qədər neftşlam, 28 min kubmetrə qədər çirkab su çıxarılıb, həmin ərazilərə 90 min kubmetrə qədər torpaq daşınıb.
2006-cı il martın 1-də Abşeron yarımadasında mövcud ekoloji problemlərin həlli üçün yaradılmış "Ekol Muhəndislik Xidmətləri" QSC-nin həmtəsisçiləri ARDNŞ (51%) və Lancer S.A. Services-dir (49%).
