...

Azərbaycan Rusiyaya qaz ixracının artırılması üzrə işlərə başlayıb

Energetika Materials 15 Sentyabr 2010 13:02 (UTC +04:00)

Trend-i buradan izləyin

Azərbaycan, Bakı, 15 sentyabr /Trend, müxbir E.İsmayılov/

ARDNŞ (Azərbaycan Dövlət Neft Şirkəti) Azərbaycandan Rusiyaya qaz ixracının həcmini artırmaq üçün qaz nəqliyyatı infrastrukturu üzrə işlərə başlayıb. Bu barədə çərşənbə günü ARDNŞ-nin (Azərbaycan Dövlət Neft Şirkəti) yüksək vəzifəli nümayəndəsi bildirib.

"Mozdok-Qazıməmməd" qaz kəmərində təzyiqin artırılması üzrə işlər Azərbaycandan Rusiyaya qaz ixracının həcminin gələn ildən bir milyard kubmetrdən iki milyard kubmetrədək artırmaq haqda qərar çərçivəsində həyata keçirilir.

ARDNŞ-nin nümayəndəsinin sözlərinə görə, hazırda qaz kəmərinin gücü ildə dörd milyard kubmetr təşkil edir. Hazırda Azərbaycan qazının Rusiya nəqlinin həyata keçirilməsi zamanı təzyiq 28 atmosferədək təşkil edir. Onun artırılması üzrə işlər görüldükdən sonra isə o, 36 atmosferdən az olmayacaq.

"İşlər Rusiyaya qaz ixracının artırılması məqsədilə həyata keçirilir", - ARDNŞ nümayəndəsi bildirib.

Sentyabrın əvvəlində ARDNŞ və Rusiyanın qaz inhisarçısı "Qazprom" qaz ixracı haqqında sazişə əlavə imzalayıblar. Həmin sənədə görə, 2011-ci ildən qaz alınması həcmləri ildə iki milyard kubmetrədək, 2012-ci ildə isə iki milyard kubmetdən çox təşkil edəcək.

Azərbaycan qazının Rusiyaya alqı-satqısı üzrə ortamüddətli müqavilə 2009-cu il oktyabrın 14-də Bakıda imzalanıb. 2010-2014-cü illəri əhatə edən müqavilə ARDNŞ (Azərbaycan Respublikası Dövlət Neft Şirkəti) ilə "Qazprom" şirkəti arasında imzalanıb. Müqaviləyə uyğun olaraq, Azərbaycan tərəfi hər il Rusiyaya 500 milyon kubmetrdən az olmayaraq qaz tədarük edəcək. Müqavilədə tədarük həcminin həddi göstərilməyib. ARDNŞ tədarük edə biləcəyi həcm barədə yarım il əvvəldən qarşı tərəfi xəbərdar edəcək.

Rusiyaya Azərbaycan qazının tədarükünə bu il yanvarın 1-dən başlanılıb.

Azərbaycan qazının Rusiyaya nəqli isə 2010-cu ilin yanvarından başlanılıb. Bu il Rusiyaya bir milyard kubmetr Azərbaycan qazı ixrac olunacaq. Həmçinin, ARDNŞ və "Qazprom" 2011-ci ildə Rusiyaya nəql ediləcək qazın həcmi barədə razılığa gəliblər. Növbəti ildə bu göstərici təxminən iki milyard kubmetr təşkil etməlidir.

ARDNŞ-nin məlumatına görə, şirkət yanvar-iyul aylarında ortamüddətli müqavilə çərçivəsində Rusiyaya 494,6 milyon kubmetrdən çox qaz ixrac edib. İyulda Rusiyaya 66,4 milyon kubmetr Azərbaycan qazı nəql olunub. İyunda bu göstərici 81,54 milyon kubmetr təşkil edib.

Xəbər lenti

Xəbər lenti