Azərbaycan, Bakı, 22 oktyabr /Trend, müxbir E.İsmayılov/
ARDNŞ-in (Azərbaycan Dövlət Neft Şirkəti) proqnozlarına əsasən, Xəzərin Azərbaycan sektorunda "Bulla-dəniz" yatağında şirkətin kəşfiyyat quyusundan sutkalıq qaz hasilatı 500 min kubmetr təşkil edir. Bu barədə cümə günü şirkətdən verilən məlumatda deyilir.
Onun sözlərinə görə, quyudan sutkada 80 ton qaz kondensatı hasil etmək olar.
"Hazırda quyunun dərinliyi 5 300 metri ötür, layihə dərinliyii 6 400 metr təşkil edir", - mənbədən bildiriblər. Quyunun qazılmasının gələn ilin əvvəlində başa çatacağı gözlənilir.
Mənbənin sözlərinə görə, bu yataqda qazma işləri ARDNŞ-in qaz ehtiyatlarını artırması üçün böyük əhəmiyyət daşıyır.
Bundan əvvəl Geofizika və Geologiya İdarəsi tərəfindən quyuda baş verən proseslərin müşahidəsi və nəzarəti məqsədilə "RT-Leuza" uzaqməsafəli müşahidə sistemi qurulub.
"Bulla-dəniz" yatağı 1975-ci ildən istismar olunur. 34 il ərzində yataqdan 62 milyard kubmetr qaz və 11 milyon ton neft və qaz kondensatı hasil edilib.
"Bulla-dəniz" yatağından sutkada 450 min kubmetr qaz hasil olunur. ARDNŞ geoloqlarının fikrincə, bu yataqda qaz hasilatını bir neçə dəfə artırmaq olar.
