Azərbaycan, Bakı, 3 noyabr /Trend/
Yanvar-oktyabr aylarında ARDNŞ Gürcüstana 278,46 milyon kubmetr qaz ixrac edib. Bu göstərici yanvar-sentyabrda 247 milyon kubmetr olub. Bu barədə ARDNŞ-nin çərşənbə günü yaydığı məlumatda deyilir.
Oktyabrda ARDNŞ Gürcüstana 31,12 milyon kubmetr Azərbaycan qazı ixrac edib. Bu göstərici sentyabrda 14,3 milyon kubmetr olub.
Gürcüstana qaz nəqli şirkətin Qazax rayonu ərazisində iki ölkəni birləşdirən boru kəməri vasitəsilə gürcü bazarındakı fəaliyyəti çərçivəsində həyata keçirilir. Bu kəmərlə qaz ixracının gücü ildə təxminən 3 milyard kubmetr qaz təşkil edir.
2008-ci ilin noyabrında Azərbaycan ilə Gürcüstan arasında saziş imzalanıb. Sənəd 2009-cu ildən başlayaraq sonrakı beş il ərzində Gürcüstanın qaz bazarında ARDNŞ-nin fəaliyyətinin fəallaşdırılması imkanlarını nəzərdə tutur. Memoranduma əsasən, ARDNŞ layihənin həyata keçirilməsi üçün Gürcüstan hökuməti tərəfindən müəyyən edilən qaz istehlakçıları qruplarını (sosial qruplar) təmin edən "SOCAR Georgia Gas" törəmə müəssisəsini yaradıb.
Həmçinin, 2008-cil il dekabrın sonunda ARDNŞ və Gürcüstan hökuməti 30 paylayıcı qaz təsərrüfatı və paylayıcı qaz şəbəkəsinin istifadəyə verilməsi barədə müqavilə imzalayıb. Bu şəbəkələr Gürcüstanın müxtəlif regionlarını əhatə edir.
