Azərbaycan, Bakı, 9 dekabr /Trend, müxbir E.İsmayılov/
Xəzərin Azərbaycan sektorundakı "Şahdəniz" qaz-kondensat yatağının işlənməsinin ikinci mərhələsi çərçivəsində qazılan SDX-06 kəşfiyyat quyusunun dərinliyi 6500 metrdən (layihə dərinliyi) 4200 metri ötür. Bu barədə neft-qaz bazarındakı mənbə məlumat verib.
"Hazırda quyunun dərinliyi 4200 metri keçir və indi quyuya 13 düymlük sütunların buraxılması üzrə iş gedir", - mənbə bildirib.
Bundan əvvəl mənbənin dediyi kimi, kəşfiyyat quyusunun qazılması gələn ilin mayında başa çata bilər.
Quyu suyun 100 metrliyində "İstiqlal" yarımdalma qazma quyusundan qazılır. Bu quyu qazılması ikinci mərhələyə planlaşdırılan digər quyular kimi sualtı vurulma ilədir.
Yataqda ən yüksək hasilat 8,6 - 9 milyard kubmetr səviyyəsində proqnozlaşdırılır. Proqnozlara əsasən, yatağın işlənməsinin ikinci mərhələsində qaz hasilatının həcmini ildə 25 milyard kubmetrə qədər artırmaq olacaq.
"Şahdəniz" yatağının ehtiyatları 1,2 trilyon kubmetr qaz həcmində qiymətləndirilir.
"Şahdəniz" yatağı üzrə müqavilə 1996-cı il iyunun 4-də imzalanıb. Müqavilə iştirakçıları bunlardır: BP (operator) - 25,5%, Statoil - 25,5%, NICO - 10%, Total - 10%, LukAgip - 10%, TPAO - 9%, ARDNŞ - 10%.