...

ARDNŞ neft və qaz hasilatının maya dəyərini açıqlayıb

Energetika Materials 15 Dekabr 2010 21:01 (UTC +04:00)

Azərbaycan, Bakı, 15 dekabr /Trend, müxbir E.İsmayılov/

2009-cu ildə ARDNŞ (Azərbaycan Respublikası Dövlət Neft Şirkəti) tərəfindən bir ton neft hasilatının maya dəyəri proqnozlaşdırılan 77,1 manat əvəzinə 76,53 manat təşkil edib. Bu barədə ARDNŞ-nin ötən ilin fəaliyyəti üzrə rəsmi hesabatda deyilir.

Bir ton neftin hasil edilməsi üçün sərf edilən xərclərin ümumi hissəsindən 14 faiz əməkhaqqı, 24,3 faiz amortizasiya xərcləri, 14,2 faiz material xərcləri, 15,3 faiz isə su hövzəsi dibinin vergisi isə təşkil edib.

Hesabatda deyildiyinə görə, keçən il ARDNŞ-nin 1000 kubmetr qaz hasilatının maya dəyəri proqnozlaşdırılan 29,66 manat əvəzinə 34,55 manat təşkil edib. 2008-ci ildə ARDNŞ-nin 1000 kubmetr qaz hasilatının maya dəyəri 27,89 manat təşkil edib.

Ümumi xərclərdən min kubmetr qazın istehsalından 15 faiz material xərclərinin, 28,6 faiz amortizasiya xərclərinin, 16 faiz isə su hövzəsi dibinin vergisinin payına düşüb.

Xəbər lenti

Xəbər lenti