Azərbaycan, Bakı, 6 yanvar /Trend, müxbir A.Bədəlova/
Dünya bazarlarında neftin qiymətləri müsbət iqtisadi statistikanın və 2010-cu ilin son həftəsi ərzində 4,2 milyon barelə düşən ABŞ-ın xammal ehtiyatları haqqında məlumatların işıq üzü görməsi fonunda yenidən yüksəldi.
Çərşənbə günü sövdələşmələrin nəticələrinə görə, Nyu-York mal birjasında Mark WTI markalı ABŞ-ın yüngül neftinə fevral fyuçerslərinin dəyəri 0,92 dollara yüksələrək bir barel üçün 90,3 dollara çatıb. London birjasında Brent-in Şimal dənizi növünə fevral fyuçerslərinin qiyməti 0,97 dollara yüksələrək bir barel üçün 95,5 dollara qədər qalxıb.
Dünyasının ən böyük banklardan biri olan ABŞ-ın JP Morgan şirkətinin analitikləri hesab edirlər ki, müsbət iqtisadi mühit fonunda neftin qiyməti müsbət yüksəliş göstərməkdə davam edəcək. ABŞ analitiklərinin fikrincə, artıq 2011-ci ilin birinci rübündə bir barel üçün qiymət 100 dollar olacaq.
ABŞ bankının analitikləri öz dekabr məruzələrində Brent-in Şimal dənizi növünə olan qiymətin proqnozunu bir barel üçün 95 dollara qədər yüksəltdilər, həmçinin, 2011-ci ilin birinci rübündə qiymətlərin kəskin qalxaraq bir barel üçün 100 dollardan yuxarı olma ehtimalını göstərdilər.
Bank analitiklərinin proqnozlarına iki amil təsir göstərir: tələb, təklifdə fərq və 2010-cu ilin sonuna sürətlənən - JP Morgan analitiklərinin gözləntilərinə əsasən, 2011-ci ilin birinci rübündə qorunacaq dünya iqtisadiyyatının artımı.
Dünyada neftə olan tələbat gözlənildiyi kimi, 2011-ci ildə sutkada 88,8 milyon barelə çatacaq (bu da resessiyaya qədər müşahidə olunan səviyyəni ötür) ki, bu da 2010-cu ildəkindən orta hesabla sutkada 2,45 milyon barel çoxdur. Öz növbəsində OPEK-ə daxil olmayan ölkələrin neft tədarükünün artım səviyyəsi növbəti ildə sutkada 1,2 milyon barel gözlənilir.
Beynəlxalq Energetika Agentliyinin analitiklərinin fikrincə, neftin bir barelinin qiymətinin 100 dollara və daha yuxarı həddə çatması dünya iqtisadiyyatının bərpasına təhlükə ola bilər.
Daha əvvəl İraqın neft naziri Əbdül Kərim əl-Luaibi bildirmişdi ki, yanacaq qiymətlərinin kəskin surətdə artacağı təqdirdə, OPEK fövqəladə iclas çağıra bilər. Kartel neftin ədalətli qiymətini bir barel üçün 70 dollardan 90 dollara qədər hesab edir.
Bu günə OPEK tərəfindən neft hasilatına təyin edilən kvota sutkada 24,84 milyon barel təşkil edir.