...

BP Azərbaycandakı layihələr çərçivəsində əldə olunan neft və qaz həcmlərini açıqlayıb

Energetika Materials 14 Aprel 2011 14:56

Trend-i buradan izləyin

Azərbaycan, Bakı, 14 aprel /Trend, müxbir E.İsmayılov/

2010-cu ildə Britaniyanın BP şirkəti Xəzərin Azərbaycan sektorundakı "Azəri-Çıraq-Günəşli" yataqlar blokunun işlənməsi layihəsi çərçivəsində sutkada orta hesabla 94 min barel neft əldə edib ki, bu da 2009-cu ilin müvafiq göstəricisilə eynidir . Bu barədə şirkətin maliyyə və əməliyyat fəaliyyətinin yekunları üzrə hesabatda bildirilir.

"Azəri-Çıraq-Günəşli" layihəsinin iştirakçıları aşağıdakılardır: BP (operator - 34,43 faiz iştirak payı), "ChevronTexaco" (11,27 faiz), ARDNŞ (10 faiz), INPEX (10,96 faiz), "Statoyl" (8,56 faiz), "ExxonMobil" (8 faiz), TPAO (6,75 faiz), "Itochu" (4,3 faiz), "Hess" (2,72 faiz).

Həmçinin 2010-cu ildə BP "Şahdəniz" qaz-kondensat yatağının işlənməsi layihəsindəki iştirak payı çərçivəsində sutkada orta hesabla 2009-cu ildəki 7 min barelə qarşı 9 min barel qaz-kondensat hasil edib.

Ötən il BP-nin payına düşən, "Şahdəniz"dən qaz hasilatının sutkalı həcmi 2009-cu ildəki 3,77 milyon kubmetrə qarşı 3,6 milyon kubmetr təşkil edib.

Hazırda yataqda hasilat dörd quyuda aparılır. "Şahdəniz" platformasından sutkalıq qaz hasilatı tələbatdan asılı olaraq 15-23 milyon kubmetr arasında dəyişir. Yeni quyu istismara verildikdən sonra hasilat sutkada 25-26 milyon kubmetrə çata bilər.

"Şahdəniz" yatağının işlənməsinin birinci mərhələsi çərçivəsində hasilatın ən yüksək həddi 8,6-9 milyard kubmetr səviyyəsində proqnozlaşdırılır. Proqnozlara görə, yatağın işlənməsinin ikinci mərhələsi çərçivəsində qaz hasilatı həcmini ildə 25 milyard kubmetrədək çatdırmaq mümkün olacaq.

"Şahdəniz" yatağının ehtiyatları 1,2 trilyon kubmetr qaz həcmində qiymətləndirilir.

"Şahdəniz" yatağı üzrə müqavilə 1996-cı il iyunun 4-də imzalanıb. Müqavilə iştirakçıları bunlardır: BP (operator) - 25,5%, "Statoil" - 25,5%, NICO - 10%, "Total" - 10%, "LukAgip" - 10%, TPAO - 9%, ARDNŞ - 10%.

Xəbər lenti

Xəbər lenti