...

"Şahdəniz"də sübut edilən qaz həcmi arta bilər

Energetika Materials 18 Aprel 2011 14:23 (UTC +04:00)

Azərbaycan, Bakı, 18 aprel /Trend, müxbir E.İsmayılov/

"Şahdəniz" yatağının aşağı qatlarında qaz ehtiyatı 200-300 milyard kubmetr təşkil edə bilər. Bu barədə ARDNŞ-nin birinci vitse-prtezidenti Xoşbəxt Yusifzadə deyib.

"ARDNŞ "Şahdəniz" qaz-kondensat yatağının işlənməsinin texniki operatoru olan BP şirkəti qarşısında layihənin işlənməsi çərçivəsində yataqda alt layların işlənməsinin faydalılığı barədə məsələ qoyub", - bundan əvvəl Yusifzadə bildirib.

Onun sözlərinə görə, bunun üçün əlavə kəşfiyyat quyularının qazılması lazımdır.

"Şahdəniz" yatağında qaz ehtiyatı 1,2 milyard kubmetr, kondensat isə 240 milyon ton həcmində qiymətləndirilir", - Yusifzadə bildirib.

Onun sözlərinə görə, yataqda sübut edilən ehtiyatların həcminə yenidən baxılması istisna edilmir, lakin bu barədə yalnız müvafiq qiymətləndirmə işləri aparıldıqdan sonra danışmaq olar.

"Şahdəniz" yatağı üzrə müqavilə 1996-cı il iyunun 4-də imzalanıb. Müqavilə iştirakçıları bunlardır: bp (operator) - 25,5%, Statoil - 25,5%, NICO - 10%, Total - 10%, LukAgip - 10%, TPAO - 9%, ARDNŞ - 10%. "Ş ahdə niz" yatağı nı n ehtiyatları 1,2 trilyon kubmetr qaz hə cmində qiymə tlə ndirilir.

İndi qaz Gürcüstan və Türkiyəyə Cənubi Qafqaz qaz kəməri ilə nəql edilir.

Yatağın işlənməsinin birinci mərhələsi çərçivəsində hasilatın ən yüksək həddi 9 milyard kubmetr qaz və 50 min barel kondensat səviyyəsində proqnozlaşdırılır. Proqnozlara görə, yatağın işlənməsinin ikinci mərhələsi çərçivəsində qaz hasilatı həcmini ildə daha 25 milyard kubmetrədək çatdırmaq mümkün olacaq.

Xəbər lenti

Xəbər lenti