Azərbaycan, Bakı, 28 iyun /Trend, müxbir E.İsmayılov/
Yanvar-mayda Gürcüstan 305 milyon dollar məbləğində neft və neft məhsulları idxal edib. Bu barədə çərşənbə axşamı Gürcüstan hökumətinin yaydığı məlumatda deyilir.
Həmçinin, ARDNŞ (Azərbaycan Respublikası Dövlət Neft Şirkəti) Gürcüstanda neft məhsullarının pərakəndə satış bazarındakı fəaliyyəti çərçivəsində bu ölkəyə öz neft emalı zavodlarında istehsal etdiyi neft məhsullarını ixrac edir.
ARDNŞ gürcü bazarında SOCAR brendi altında fəaliyyət göstərən yanacaqdoldurma məntəqələri vasitəsilə neft məhsullarının satışını həyata keçirir. Hazırda ARDNŞ-nin Gürcüstanda 72 ədəd YDM-i fəaliyyət göstərir, ilin sonunadək onların sayının 100 ədədə çatdırılması planlaşdırılır.
Məlumatda deyildiyi kimi, yanvar-mayda ölkəyə neft qazı və qazaoxşar karbohidrogen növləri idxal olunub.
Eləcə də ARDNŞ Gürcüstanın qaz bazarının iştirakçısıdır.
Hazırda Gürcüstanın müxtəlif regionlarını əhatə edən 30 qazpaylayıcı təsərrüfat və qazpaylayıcı şəbəkə ARDNŞ-nin idarəçiliyindədir.
