Azərbaycan, Bakı, 8 avqust /Trend, müxbir E.İsmayılov/
"SOCAR&Turcas" birgə müəssisəsində ARDNŞ-nin payının 51 faizdən təxminən 75 faizədək artırılması prosesi başa çatıb. Bu barədə ARDNŞ rəhbəri Rövnəq Abdullayev deyib.
Bu sövdələşmə sayəsində ARDNŞ Türkiyədə həyat keçirilən investisiya layihələrində payının artırılması üzrə qarşısına qoyduğu məqsədə nail olub.
Bundan əvvəl ARDNŞ "SOCAR&Turcas"ın digər səhmdarı "Aksoy Holding" (səhmlərin 23,98 faizi) ilə payın alınması ilə bağlı razılığa gəlib. Bu isə nəticədə ARDNŞ-nin iştirak payının təxminən 75 faizədək artmasına səbəb olub.
"Əməliyyat "SOCAR&Turcas Enerji" şirkətinin daxilində nəzarətin dəyişməsinə səbəb olmayacaq", - bundan əvvəl "Petkim"dən bildirilib.
"SOCAR&Turcas" birgə müəssisəsində pay bölgüsü:
|
Şirkətlərin adı |
İnvestisiyanın həcmi (TL) |
Pay (%-lə) |
|
Sövdələşməyə qədər |
||
|
SOCAR |
102.000.000 |
%51,00 |
|
TURCAS PETROL A.Ş. |
50.000.000 |
%25,00 |
|
AKSOY HOLDING A.Ş. |
47.960.000 |
%23,98 |
|
ERDAL AKSOY |
20.000 |
% 0,01 |
|
SAFFET BATU AKSOY |
20.000 |
% 0,01 |
|
Sövdələşmədən sonra |
||
|
SOCAR |
149.959.999 |
%74,97 |
|
TURCAS PETROL A.Ş. |
50.000.000 |
%25,00 |
|
AKSOY HOLDING A.Ş. |
1 |
%0,0000005 |
|
ERDAL AKSOY |
20.000 |
% 0,01 |
|
SAFFET BATU AKSOY |
20.000 |
% 0,01 |
2008-ci ildə "SOCAR/Turcas Petrol/Injaz Projects" şirkətlər alyansı Türkiyənin "Petkim" neft-kimya holdinqində 51 faizlik səhm paketinin alınması üçün elan edilən tenderin qalibi olub. Buna görə alyansa 2,04 milyard dollar təklif edilib. Hazırda Türkiyə zəruri kimya məhsullarının 70-75 faizini idxal edir. "SOCAR/Turcas/Injaz"ın "Petkim"in inkişafına yatıracağı sərmayələr məhsul idxalını 30 faizədək azaltmağa imkan verəcək.
"Petkim Petrokimya Holdinq" plastik qablaşdırmalar, parçalar, PVC, yuyucu vasitələr istehsal edir və Türkiyədə bu məhsulların yeganə istehsalçısıdır. Şirkət məhsullarının ¼-ni ixrac edir.