...

Azərbaycan Avropaya qaz ixracı üçün boru kəməri seçimi barədə qərarı yaxın zamanda qəbul edəcək - ARDNŞ

Energetika Materials 18 Oktyabr 2011 17:38

Trend-i buradan izləyin

Azərbaycan, Bakı, 18 oktyabr /Trend, müxbir E.İsmayılov/

Cari ilin oktyabr-noyabrında Azərbaycanın "Şahdəniz" konsorsiumu Avropaya qaz ixracı layihəsi üçün əvvəllər təklif edilən boru kəmərlərindən birinin seçilməsi barədə qərar qəbul edəcək. Bunu jurnalistlərə çərşənbə axşamı ARDNŞ-nin (Azərbaycan Respublikası Dövlət Neft Şirkəti) rəhbəri Rövnəq Abdullayev deyib.

Onun sözlərinə görə, əvvəllər "Nabukko", ITGI və TAP boru kəmərləri layihələri konsorsiuma Azərbaycan qazının Avropaya çatdırılmasını təmin etmək baxımından yekun təkliflərini təqdim ediblər.

"Layihələrdən birinin seçilməsi barədə yekun qərar yaxın vaxtlarda qəbul edilməlidir. Bundan başqa, "Şahdəniz" yatağının işlənməsinin ikinci mərhələsinin təsdiq edilməsi də qəbul edilməlidir. Burada məqsəd layihələrin gələn ilin büdcəsində öz əksini tapmasıdır" , - Abdullayev deyib.

Azərbaycan qazının ixracı üçün edilən bütün təkliflərin variantları "Cənub qaz dəhlizi"nin tərkib hissəsidir. "Cənub qaz dəhlizi" isə Avropa İttifaqı (Aİ) üçün prioritet enerji layihələrindən biridir.

"Cənub qaz dəhlizi" enerji ixracının marşrut və mənbələrini diversifikalaşdırmaq məqsədi daşıyır. Bu yolla da Aİ-nin enerji təhlükəsizliyi artırılacaq. "Cənub qaz dəhlizi"nə "Nabukko" Transadriatik qaz kəməri (TAP), ITGI (Türkiyə-Yunanıstan-İtaliya qaz kəməri) aiddir.
.
"Şahdəniz" yatağının işlənməsi üzrə müqavilə 1996-cı il iyunun 4-də imzalanıb. "Şahdəniz" yatağının ehtiyatları 1,2 trilyon kubmetr qaz həcmində qiymətləndirilir.

Müqavilə iştirakçıları bunlardır: BP (operator) - 25,5%, "Statoil" - 25,5%, NICO - 10%, "Total" - 10%, "LUKoil" - 10%, TPAO - 9%, ARDNŞ - 10%.

Azərbaycan "Şahdəniz"in ikinci mərhələsindən Türkiyə ərazsindən keçməklə Avriopaya 10 milyard kubmetr qaz ixrac etməyə hazırlaşır.

Xəbər lenti

Xəbər lenti