Azərbaycan, Bakı, 12 noyabr /Trend müxbir E. İsmayılov/
Yanvar-oktyabrda ARDNŞ (müştərək müəssisələr və əməliyyat şirkətləri istisna olmaqla) 132816 metr həcmində qazma işləri aparıb. Ötən ilin analoji dövründə bu rəqəm 117234 metr olub. Trend-in məlumatına görə, bu barədə şənbə günü ARDNŞ-in (Azərbaycan Respublikası Dövlət Neft Şirkəti) məlumatında deyilir.
Məlumata əsasən, ARDNŞ-in yanvar-oktyabrda həyata keçirdiyi qazma işlərinin ümumi həcminin 120637 metri istismar, 12179 metri isə kəşfiyyatın (o cümlədən 2250 metr- struktur-axtarış) payına düşüb.
2010-cu ildə ARDNŞ 136,3 min metrdən çox həcmdə qazma işləri həyata keçirib. 2009-cu ildə isə bu göstərici 168,2 min metr təşkil edib. Ötən il həyata keçirilmiş ümumi qazma işlərinin həcmindən təxminən 127,9 min metri istismar qazmaya, qalan 8466 metri isə kəşfiyyat qazmaya (o cümlədən 1785 metr-struktur-axtarış qazma) aid olub.
ARDNŞ 2008-ci ildə təxminən 203 min metr həcmində qazma işləri həyata keçirib. 20007-ci ildə isə bu rəqəm 190,4 min metrə bərabər olub.