Azərbaycan, Bakı, 24 noyabr /Trend, müxbir E.İsmayılov/
Azərbaycanda "Azəristiliktəchizat" SC-nin balansında olan bütün yaşayış evləri və sosial obyektlər istiliklə təmin olunub. Bu barədə cümə axşamı Trend-ə SC-nin sədr müavini İlham Mirzəliyev bildirib.
Onun sözlərinə görə, hazırda SC-nin balansında olan bütün qazanxanalar işlək vəziyyətdədir.
"İl ərzində biz bütün infrastrukturu istehlakçıları məhz belə halda istiliklə təmin etmək üçün hazırlayırıq. Ona görə də hava şəraitinin pisləşməsi bizim infrastrukturumuzun işinə heç bir təsir göstərmir", - Mirzəliyev deyib.
Onun sözlərinə görə, yalnız texniki xarakterli kiçik problemlər müşahidə olunur, lakin istehlakçıların müraciətləri əsasında SC-nin çevik reaksiya xidməti qısa müddətdə yaranmış problemləri aradan qaldırır.
Mirzəliyev bildirib ki, 2011-2012-ci illər istilik mövsümünə hazırlıq çərçivəsində tədbirlər planında nəzərdə tutulan bütün zəruri işlər görülüb. O cümlədən SC-də istilik xətlərinin çəkilişi, təmiri və dəyişdirilməsi, qazanxaların tikintisi və təmiri, eləcə də nasosların quraşdırılması və təmiri üzrə işlər yerinə yetirilib.
Bu il respublikada istilik enerjisi ilə təmin olunacaq obyektlərin sayı və onların artım dinamikası üzrə ümumi cədvəl::
Obyektlər |
2011-ci ildə cəmi |
2005-ci ildə cəmi |
Yaşayış binaları |
2550 |
988 |
Məktəblər |
267 |
146 |
Uşaq bağçaları |
162 |
84 |
Səhiyyə obyektləri |
126 |
61 |
Başqa sosial obyektlər |
315 |
91 |