...

Azərbaycanın "Şəfəq-Asiman" blokunda geofiziki işlər 2012-ci ilin əvvəlində başa çatacaq

Energetika Materials 29 Noyabr 2011 17:51

Trend-i buradan izləyin

Azərbaycan, Bakı, 29 noyabr /Trend, müxbir E.İsmayılov/

Gələn ilin əvvəlində "Caspian Geophysical" şirkəti Xəzərin Azərbaycan sektorundakı "Şəfəq-Asiman" perspektiv blokunda üçölçülü geofiziki tədqiqatları başa çatdıracaq. Bu barədə çərşənbə axşamı Trend-ə neft-qaz bazarındakı mənbə məlumat verib. İşlər "Gilavar" geofiziki gəmisi ilə aparılır.

Onun sözlərinə görə, şirkət dənizdəki işlərə bu yaxınlarda başlayıb və hazırda işlər davam edir.

"İşlər yanvarın ortalarında yekunlaşmalıdır. Lakin hər şey hava şəraitindən asılı olacaq", - mənbə vurğulayıb.

ARDNŞ-in geologiya, geofizika və yataqların işlənməsu üzrə birinci vitse-prezidenti Xoşbəxt Yusifzadənin əvvəllər dediyinə görə, müqavilə çərçivəsində BP bu blokda işlərin aparılması üzrə öhdəliyi öz üzərinə götürüb. Belə ki, o, suyun 750 metr dərinliyində yerləşir. Kəşfiyyat quyularının dərinliyi isə 7 min metr təşkil edəcək. "Şəfəq-Asiman" blokunun proqnozlaşdırılan ehtiyatları 500 milyard kubmetr qaz və 65 milyon ton kondensat təşkil edir.

Mayda "BP-Azerbaijan" və "Caspian Geophysical" şirkətləri arasında 3D-seysmik tədqiqata başlamaq barədə müqavilə imzalanıb.

"Şəfəq-Asiman" bloku üzrə müqavilə 30 il müddətinə imzalanıb. Kəşfiyyat dövrü 4 ildir. Onun sonralar daha 3 il uzadılması mümkündür. Birinci mərhələdə 2 quyunun qazılması planlaşdırılır. İkinci mərhələdə, zərurət olarsa, daha 2 quyu qazılacaq. İstismar dövrünə keçərkən tərəflər layihə çərçivəsində birgə operatorluq edəcəklər. Sazişdə iştirak payının bölüşdürülməsi 50-nin 50-yə nisbətindədir.

"Şəfəq" və "Asiman" strukturları Bakıdan 125 kilometr cənub-şərqdə yerləşir. 2009-cu ilin iyulunda ARDNŞ və BP Londonda Xəzər dənizinin Azərbaycan sektorunda "Şəfəq" və "Asiman" perspektiv strukturlarının birgə geoloji kəşfiyyatı və işlənməsi haqqında qarşılıqlı anlaşma memorandumu imzalayıblar.

Xəbər lenti

Xəbər lenti