Azərbaycan, Bakı, 25 aprel /Trend/
Bu gün saat 14:00-dan təmir işləri ilə əlaqədar "Kövər", "Bərdə-Samux", "Bərdə", "Tərtər" və "Cəyirli" ölçü qovşaqlarında təbii qaz təchizatı dayandırılacaq. Bu barədə Trend-ə Azərbaycan Respublikası Dövlət Neft Şirkətindən məlumat verilib.
Təmir işləri müddətində Yevlax rayonunun Kövər, Malbinəsi, Qoyunbinəsi, Qaramanlı, Hacımahmudlu kəndlərinə, Bərdə və Tərtər rayonlarına təbii qazın verilməsində fasilələr yaranacaq.