Azərbaycan, Bakı, 8 may /Trend, müxbir E.İsmayılov/
Bu il Gürcüstanda SOCAR brendi altında çalışan yanacaqdoldurma məntəqələrinin (YDM) ümumi sayı 125-ə çatacaq. Bu barədə çərşənbə axşamı Trend-ə ARDNŞ-dən bildiriblər.
Hazırda ARDNŞ-nin Gürcüstandakı YDM-nin sayı 96 ədəd təşkil edir.
"Yeni stansiyaların tikintisi bu il YDM-lərin sayı ilə bağlı qarşıya qoyulan planlara çatmaq üçün davam etdirilir", - mənbə deyib.
Gürcüstanda Azərbaycan neft məhsullarının satışı məsələləri ilə "SOCAR Georgia Petroleum" MMC məşğul olur. 2006-cı ildə yaradılan "SOCAR Georgia Petroleum" "SOCAR Energy Georgia"nın 100 faizlik törəmə şirkətidir.
ARDNŞ Azərbaycanda bir sıra YDM-lərə sahibdir. Bundan başqa, SOCAR brendi altında tədricən Ukrayna və Rumıniyada YDM-lər açılır.