Azərbaycan, Bakı, 6 iyun /Trend, müxbir E.İsmayılov/
Azərbaycan Respublikası Dövlət Neft Şirkəti (ARDNŞ) ilin sonunadək Xəzərin Azərbaycan sektorunda "Bahar-2" perspektivli strukturu və "Qum dəniz" yatağı arasındakı sahədə "Bahar Energy Limited" ilə müqavilə çərçivəsində üçölçülü geofiziki tədqiqatları başa çatdırmağı planlaşdırır. Bu barədə cümə günü Trend-ə ARDNŞ-dəki mənbə bildirib.
Onun sözlərinə görə, hazırda sahədə işlər gəminin olmaması səbəbindən dayandırılıb.
"İşlər müvəqqəti dayandırılıb, lakin sahədə tədqiqatların maksimum tamamlanma tarixi ilin sonuna planlaşdırılır", - mənbə vurğulayıb.
Onun sözlərinə görə, hazırda "Geofizik" geofiziki gəmisi Xəzərin Azərbaycan sektorunda digər işlərin haəyata keçirilməsinə cəlb edilib və buna görə də "Bahar" strukturunda işlər müvəqqəti dayandırılıb.
Mənbə gəminin hazırda işlədiyi sahəni açıqlamayıb.
