Azərbaycan, Bakı, 19 oktyabr /Trend, müxbir E.İsmayılov/
Oktyabrın 19-na olan məlumata görə, Azərbaycan Respublikası Dövlət Neft Şirkəti (ARDNŞ) Gürcüstana sutkalıq 1,4 milyon kubmetr qaz tədarük edir. Sentyabrın 25-nə olan məlumata görə isə bu rəqəm 3,5 milyon kubmetr təşkil edib. Bu barədə cümə günü Trend-ə ARDNŞ-dəki mənbə bildirib.
"Hazırda hava kifayət qədər sabitdir və əlverişlidir. Bu baxımdan Gürcüstana sutkalıq qaz tədarükünün həcmi hazırda 1,4 milyon kubmetr təşkil edir", - mənbə qeyd edib.
Mənbənin sözlərinə görə, İrana "svop" əməliyyatları çərçivəsində həyata keçirilən qaz tədarükü davam edir.
