Azərbaycan, Bakı, 15 may /Trend, müxbir E.İsmayılov/
Azərbaycan Respublikası Dövlət Neft Şirkəti (ARDNŞ) cari ilin sonuna neft-qaz emalı və neft-kimya məhsullarının istehsalı üzrə yeni kompleksin (OGPC) tikintisinə başlamağı planlaşdırır. Trend-in məlumatına görə, bu barədə çərşənbə günü jurnalistlərə ARDNŞ prezidenti Rövnəq Abdullayev bildirib.
Onun sözlərinə görə, hazırda kompleksin yekun layihəsi üzərində iş gedir: ilk növbədə, qaz emalı zavodu, sonra isə neft emalı müəssisəsi, həmçinin neft-kimya məhsulları istehsalı zavodu layihəsi üzərində iş aparılır.
"Biz bu ilin sonuna konkret işlərə başlamağa çalışacağıq", - Abdullayev qeyd edib.
