...

ARDNŞ: Azərbaycan neft hasilatının azalmasının öhdəsindən gəlib

Energetika Materials 20 Sentyabr 2013 20:36 (UTC +04:00)
Azərbaycan neft hasilatı həcminin eniş dövrünü geridə qoyub.
ARDNŞ: Azərbaycan neft hasilatının azalmasının öhdəsindən gəlib

Azərbaycan, Bakı, 20 sentyabr/Trend, müxbir E. İsmayılov/

Azərbaycan neft hasilatı həcminin eniş dövrünü geridə qoyub. Trend-in məlumatına görə, bu barədə cümə günü jurnalistlərə ARDNŞ-nin prezidenti Rövnəq Abdullayev deyib.

Onun sözlərinə görə, ARDNŞ-nin öz yataqlarında və xarici şirkətlərlə birgə işlənən "Azəri-
-Çıraq-Günəşli" yataqlar blokunda azalma tempi tam aradan qaldırılıb.

R. Abdullayev qeyd edib ki, hazırda neftin hasilat göstəriciləri hasilatın azalmasının dayandırıldığını təsdiq edir və ilin sonuna cüzi artım ola bilər.

ARDNŞ-nin geologiya, geofizika və yataqların işlənməsi üzrə birinci vitse-prezidenti Xoşbəxt Yusifzadə bildirib ki, bu il Azərbaycanda 43 milyon ton neft hasil etmək planlaşdırılır.

Onun sözlərinə görə, Azərbaycanda qaz ehtiyatları perspektivdə indiki 2,6 trilyon kubmetrdən 6 trilyon kubmetrədək artırıla bilər.

X. Yusifzadə bildirib ki, Azərbaycanın böyük qaz potensialı və yeni yataqları açmaq perspektivləri var: "Mütəxəssislərin proqnozlarına əsasən, "Şahdəniz" qaz-kondensat yatağının qaz ehtiyatları 1,5 trilyon kubmetr təşkil edə bilər".

Məqalədə:
Xəbər lenti

Xəbər lenti