Azərbaycan, Bakı, 17 oktyabr /Trend, müxbir R.Hafizoğlu/
Rusiya Türkiyədə üçüncü və dördüncü atom elektrik stansiyasını (AES) tikməyə hazırdır. Trend-in "Anadolu" agentliyinə istinadən verdiyi məlumata görə, bunu Türkiyədə "Akkuyu" adlı birinci AES-in direktor müavini Rauf Qasımov deyib.
Onun sözlərinə görə, Türkiyə AES-lərin tikintisindən gəlir əldə edir və Rusiya buna müsbət yanaşır.
R.Qasımov bildirib ki, türkiyəli mütəxəssislər 3 ildən artıqdır ki, Rusiyada atom enerjisinin istifadəsi sahəsində təcrübə keçirlər.