Azərbaycan, Bakı, 26 dekabr /Trend/
Bu gün Füzuli rayonunun Zobcuq-4 kəndinə təbii qazın verilməsi münasibətilə marasim keçirilib.
Trend ARDNŞ-nin rəsmi saytına istinadən məlumat verir ki, mərasimdə "Azəriqaz" İstehsalat Birliyinin və rayon İcra Hakimiyyətinin təmsilçiləri, ictimaiyyət nümayəndələri iştirak ediblər.
Bildirilib ki, 400 abonenti olan Zobcuq-4 kəndinin qazlaşdırılması məqsədi ilə birpilləli sistem əsasında 16,1 kilometrdən artıq polietilen borularla daşıyıcı və məhəllədaxili qaz xətləri çəkilib, 400 ədəd sayğac və fərdi tənzimləyici quraşdırılıb.