Azərbaycan, Bakı, 28 avqust /Trend, müxbir Emil İsmayılov/
Bakıdakı "Şimal" elektrik stansiyasında ikinci buxar-qaz qurğusunun tikintisi üzrə işlər nəzərdə tutulmuş qrafikə uyğun aparılır. Bunu cümə axşamı Trend-ə "Azərenerji" ASC-dən deyiblər.
"Şimal" elektrik stansiyasında 409 meqavat gücündə buxar-qaz qurğusunun tikintisi Abşeron rayonunun enerji təhlükəsizliyinin möhkəmləndirilməsi baxımından böyük əhəmiyyət kəsb edir.
ASC-dən bildiriblər ki, bu enerji obyektinin tikintisi üzrə işlər qrafikə uyğun aparılır və qrafikdən kənaraçıxma yoxdur: "Yeni qurğunun istismara verilməsi ilin sonunadək planlaşdırılıb".
Qeyd edək ki, hazırda "Şimal"da 400 meqavat gücündə bir buxar-qaz qurğusu fəaliyyət göstərir.
