Təfərrüatlar əlavə olunub (ilk xəbər saat 12:38-də yayılıb)
Bakı. Azad Həsənli - Trend:
Trans-Adriatik boru kəmərinin (TAP) tikintisinin başlanılması gözlənildiyi kimi 2016-cı il mayın sonunda iyunun əvvəlində baş tutacaq.
Trend-in məlumatına görə, bunu TAP-ın icraçı direktoru Yen Bredşou "Cənub Qaz Dəhlizi"nin Məşvərət Şurası çərçivəsində nazirlərin ikinci toplantısında deyib.
Onun sözlərinə görə, çox güman ki, TAP-ın təməlqoyma mərasimi mayın sonunda iyunun əvvəlində Yunanıstanın Saloniki şəhərində keçiriləcək: "Yunanıstan hökuməti sayəsində borular bu il aprelin sonuna çatdırılacaq, təməlqoyma isə ilin ortalarında başlayacaq. Albaniyaya da boruların tədarükü aprelin sonu mayın əvvəlində gözlənilir".