...

SOCAR: Neft Daşlarında 186 milyon ton neft hasil edilib

Energetika Materials 5 Noyabr 2019 13:13 (UTC +04:00)
Neft Daşları qəsəbəsi mövcud olduğu gündən burada iki minə yaxın quyu qazılıb, 333 istehsalat sahəsi quraşdırılıb, 200 kilometr estakada və 100 kilometr neft-qaz və su boruları çəkilib
SOCAR: Neft Daşlarında 186 milyon ton neft hasil edilib

Bakı. Eldar Canaşvili - Trend:

Neft Daşları qəsəbəsi mövcud olduğu gündən burada iki minə yaxın quyu qazılıb, 333 istehsalat sahəsi quraşdırılıb, 200 kilometr estakada və 100 kilometr neft-qaz və su boruları çəkilib.

Trend-in məlumatına görə, bunu SOCAR-ın İctimaiyyətlə əlaqələr və tədbirlərin təşkili İdarəsinin rəis müavini İbrahim Əhmədov Neft Daşlarının 70 illiyinə həsr olunmuş media-tur zamanı deyib.

O bildirib ki, 70 il ərzində Neft Daşlarında 176 milyon ton neft (“Palçıq pilpiləsi” yatağı ilə birgə 186 milyon ton) və 13,6 milyard kubmetr qaz (14,3 milyard kubmetr) hasil edilib.

İ.Əhmədovun sözlərinə görə, bu ilin ilk 9 ayı ərzində 790 min ton neft və 72 milyon kubmetr qaz hasil edilib:

“Hazırda yatağın qalıq ehtiyatları 210 milyon ton, hasil olunan ehtiyatları isə 18-20 ton təşkil edir”.

Məqalədə:
Xəbər lenti

Xəbər lenti