...

Azərbaycan qazını daşıyacaq layihənin gecikməsinə görə külli miqdarda cərimə tətbiq oluna bilər

Energetika Materials 18 İyun 2021 10:24 (UTC +04:00)
Azərbaycan qazını daşıyacaq layihənin gecikməsinə görə külli miqdarda cərimə tətbiq oluna bilər

Bakı. Ləman Zeynalova - Trend:

Bolqarıstan Yunanıstan-Bolqarıstan interkonnektorunun (IGB) tikintisi üzrə podratçı müəssisə olan Yunanıstanın J&P AVAX şirkətinə xəbərdarlıq məktubu göndərib.

Trend-in məlumatına görə, bunu Bolqarıstanın energetika naziri Andrey Jivkov deyib.

O bildirib ki, tikintinin başa çatması ilə bağlı razılaşdırılmış müddətə əməl olunmayacağı təqdirdə cərimə tətbiq olunacaq:

"Bunun baş verəcəyi təqdirdə Bolqarıstan tərəfi ləngimənin hər bir günü üçün 90 min avro məbləğində cərimənin tətbiq olunmasına başlayacaq. Bu xəbərdarlığın qeyd olunduğu məktub J&P AVAX şirkətinə göndərilib".

Qeyd edək ki, Azərbaycan qazının Bolqarıstana nəqlini nəzərdə tutan Yunanıstan-Bolqarıstan interkonnektoru tikinti mərhələsindədir və tikintinin 2021-ci ilin sonunadək başa çatması planlaşdırılır.

(Tərcümə: Orxan Nəbiyev)

Məqalədə:
Xəbər lenti

Xəbər lenti