Bakı. Maryana Əhmədova - Trend:
Birləşmiş Ərəb Əmirliklərinin "Masdar" şirkəti (Abu Dhabi Future Energy Company) Qarabağda layihələr üzərində işləyir.
Bunu Trend-ə özəl açıqlamasında şirkətin baş direktoru Məhəmməd Cəmil əl-Ramahi deyib.
"Biz Kəlbəcər və Laçında 100 meqavatt gücündə külək elektrik stansiyasının tikintisi, eləcə də azad edilmiş ərazilərdəki "ağıllı" şəhər və kəndlərdə 150 meqavatt gücündə günəş batareyaları layihəsi üzərində işləyirik", - deyə o bildirib.
M.əl-Ramahi vurğulayıb ki, şirkət Azərbaycanın enerji bazarında mövcudluğunu genişləndirmək niyyətindədir.
"Azərbaycan "yaşıl enerji" sektorunda böyük potensiala malikdir və biz layihələrin inkişafında iştirak etməkdən məmnun olarıq", - şirkətin baş direktoru deyib.
(Tərcümə: Orxan Nəbiyev)