Bakı. Trend:
ICE London qitələrarası birjasında Brent markalı neftin iyulda çatdırılmaqla fyuçersinin qiyməti 27 mart 2023-cü ildən sonra ilk dəfə bir bareli 75 dollara düşüb.
Trend xəbər verir ki, sövdələşmə məlumatları bunu təsdiqləyir.
Birjanın Bakı vaxtı ilə saat 11:42-ə olan məlumatlarına görə, Brent markalı neftin qiyməti 0,31% ucuzlaşaraq bir bareli 75 dollar olub.
Bakı vaxtı ilə saat 11:49-da Brent markalı neft eyni səviyyədə sövdələşdirilir. Eyni zamanda WTI markalı neftin iyunda çatdırılmaqla fyuçersinin qiyməti 0,87% ucuzlaşaraq 71,02 dollara düşüb.