Bakı. Trend:
Cümə günü səhər dünyada neft qiymətləri 0,5% həddində ucuzlaşmaqdadır.
Trend xəbər verir ki, sövdələşmə məlumatları bunu təsdiqləyir.
Brent markalı neftin iyul fyuçerslərinin qiyməti 0,49% ucuzlaşaraq bir bareli 74,61 dollara, WTI markalı neftin iyun fyuçerslərinin qiyməti isə 0,4% ucuzlaşaraq bir bareli 70,6 dollara düşüb.
Bazarlar ABŞ-nin neft və qaz servis şirkəti olan "Baker Hughes"un ABŞ-də işlək qazma qurğuların sayı barədə məlumatlarının dərc olunmasını gözləyir. Məlumatların cümə günü axşam saatlarında dərc olunacağı planlaşdırılır. Mayın 5-dək olan ötən iş həftəsi ərzində onları sayı 4 ədəd azalaraq 588 aqreqata düşüb.
"Tezliklə qiymətlər ən aşağı səviyyəyə düşə bilər və aşağı qiymətlər bazarın bir çox iştirakçısına yeni uzunmüddətli mövqelərin açılması üçün başlanğıc nöqtəsi olacaq", - deyə "Bloomberg" agentliyi "JTD Energy Services"in direktoru Con Driskoldan sitat gətirir.