Bakı. Trend:
bp Şəfəq-Asiman dəniz blokunda qazılmış ilk kəşfiyyat quyusundan - SAX01-dən əldə edilmiş məlumatların təhlili nəticələrinin interpretasiyasını ilin birinci yarısında başa çatdırıb.
Trend bu barədə bp-yə istinadən xəbər verir.
Şirkətin verdiyi məlumata görə, quyuda aşkar edilmiş karbohidrogen ehtiyatlarının dəyərləndirilməsi və kəşfiyyat işlərinin növbəti mərhələsinin planlaşdırılması işləri hazırda davam edir.
Xatırladaq ki, 2022-ci ilin dekabrında bp və Azərbaycan Dövlət Neft Şirkəti SOCAR seysmik məlumatların təkrar emalını başa çatdırmaq üçün "Şəfəq-Asiman" yatağında kəşfiyyat işlərinin müddətinin 2023-cü ilin sonunadək 6 ay uzadılması barədə protokol imzalayıblar.
“Şəfəq-Asiman” dəniz blokunun birgə kəşfiyyatı və işlənməsi üzrə Hasilatın Pay Bölgüsü Sazişi (HPBS) 2010-cu ilin oktyabrında 30 il müddətinə imzalanıb.
Blokun proqnozlaşdırılan ehtiyatları 500 milyard kubmetr qaz və 65 milyon ton kondensat təşkil edir. Bakıdan 125 km cənub-şərqdə, dənizin 650-800 metr dənizin dərinliyində yerləşir.
“Şəfəq-Asiman” yatağında SAX01 kəşfiyyat quyusunun qazılması 2021-ci ilin mart ayında ümumi 7 189 metr dərinliklə tamamlanıb. Quyunun keçdiyi bəzi lay dəstlərində qaz-kondensat ehtiyatları aşkar edilib.
(Tərcümə: Rəna Əbdürəhmanova)
Twitter: @Lyaman_Zeyn