Azərkimya Dövlət Şirkətinin Üzvi Sintez zavodu istehsalatda istifadə olunan xammalın alışı üzrə tender elan edib. Trend in xəbər verdiyi kimi, tender 3 lot - ümumi həcmi 84 min ton olan qarışıq neft tullantılarının, 80 min ton ağ neft və 80 min ton L-62 markalı dizel yanacağının alışı üzrə elan edilib.
Tenderdə maraqlı şirkətlər 2 mln manat (təxminən $436) keçirməli, noyabrın 9-na kimi qeydiyyatdan keçməli və noyabrın 16-na kimi öz təkliflərini verməlidir.
Tender təklifləri paketi noyabrın 16-da Sumqayıt Üzvi Sintez zavodunda açılacaq.
