Azərbaycan qazax qazının Avropaya nəql olunması üçün Qrazaxıstana öz ərazisini təklif edib. Bu barədə Trend ə Qazaxıstanın Azərbaycandakı Müvəqqəti İşlər Müvəkkili İlham Zamanov eksklyuziv məlumatında bildirib. Onun sözlərinə görə, belə bir təklifi Qazaxıstanın baş nazirinə Azərbaycan hökumətinin başçısı Artur Rasizadə prezident Nursultan Nazarbayevin inauqurasiya mərasimi zamanı verib.
Diplomatın sözlərinə görə, A.Rasizadəe Xəzər dənizinin altından sualtı qaz kəmərin yeni layihəsitni təqdim edib ki, həmin layihə vasitəsilə Qazaxıstan qazı Azərbaycandan Avropaya çıxa bilər. Azərbaycan hökumətinin başçısı Azərbaycan tərəfinin bu layihənin reallaşdırılmasında maraqlı olduğunu ifadə edib.
İ.Zamanov layihənin siyasi və iqtisadi əlverişli olduğunu qeyd edərək onun əhəmiyyətini yüksək qiymətləndirib. Diplomatın sözlərinə görə, layihə Qazaxıstana qazı Azərbaycan ərazisindən keçməklə sərbəst nəql etməyə imkan verəcək. Diplomat Azərbaycan tərəfinin təklifinin böyük maraqla qarşılandığını bildirib.
Tərəflər həmçinin, Qazaxıstanın Bakı-Tbilisi-Ceyhan neft kəmərinə birləşməsi məsələsini də müzakirə ediblər. Qazaxıstan bu layihəyə qoşulmaq barədə niyyətini təsdiqləyib. Qazaxıstan hökumətinin başçısı azərbaycanlı həmkarını bu gün texniki məsələlərin həll olunduğuna və yaxın vaxtlarda Qazaxıstanın müvafiq müqaviləni imzalamağa hazır olduğuna əmin edib ",- deyə diplomat bildirib. O bildirib ki, razılaşma yaxın vaxtlarda tərəflərdən birinin hökumət nümayəndə heyətinin səfəri zamanı imzalanacaq.
