Azərbaycanın quru yataqlarında çalışan birgə müəssisələrin və əməliyyat şirkətlərindəki istismar quyularının sayı 3040 quyu təşkil edir. Bu barədə Trend ə ARDNŞ -dən məlumat verilib. Azərbaycan Dövlət Neft Şirkəti bütün neft-qaz layihələrində iştirak edir.
Quyuların ümumi sayından ən çoxu (1176 ədəd) "Binəqədioyl" şirkətinin payına düşür. Ən azı isə (19 ədəd) Gobustan Operating Company şirkətinə məxsusdur.
Digər BM və ƏŞ-nin istismar quyularının fondu belə bölüşdürülüb: Salyan Oil - 327, Shirvanneft Oil - 461, Karasu-425, Azgerneft - 308, Anshad Petrol - 292, "Az.Şeng-Li" MMC - 32.
