Azərbaycan neft-qaz sənayesi işçilərinin həmkarlar ittifaqları respublika komitəsi ilk dəfə olaraq Caspian Oil & Gas 2006 sərgisində iştirak edəcək. Bu barədə Trend ə komitə rəhbəri Cahangir Əliyev məlumat verib.
Onun sözlərinə görə, dövlət strukturu sərgidə ICEM (International Federation of Chemical, Energy, Mine and General Workers' Unions) - kimya, dağ-mədən sənayesi, energetika və digər sahələrin işçilərinin beynəlxalq həmkarlar ittifaqları Federasiyasının himayəsi altında stendlə çıxış edəcək.
Azərbaycan 1999-cu ildən federasiyanın üzvüdür.
"Hazırda bukletlərin, lazımi materialların hazırlanması istiqamətində işlər aparılır", - deyə C.Əliyev vurğulayıb.
2005-ci ildə Caspian Oil & Gas sərgisində təxminən 30 ölkədən 300-dən çox eksponent və 6 min nəfər iştirak etmişdi.
