Bu gün iqtisad məhkəməsində Vergilər Nazirliyinin Bakı, Sumqayıt və Azərbaycanın şimal regionlarının paylayıcı şəbəkələrini idarə edən "Barmek" şirkətinə qarşı irəli sürdüyü iddiası üzrə növbəti iclas keçirilib. Bu barədə Trend ə şirkətdən məlumat verilib. İclasın gedişində prosesdəki tərəflər dinlənilib və bundan sonra onun aprelin 26-na keçirilməsi barədə qərar qəbul edilib.
Bu günkü iclas Vergilər Nazirliyi ilə paylayıcı şirkətin arasındakı köhnə prosesin bir hissəsi idi. Ötən il aparılan yoxlamalardan sonra nazirlik şirkətə qarşı 19 mlrd. manat məbləğində cərimə irəli sürmüşdü. Lakin şirkət bununla razılaşmamışdı. İqtisad məhkəməsi birinci prosesin gedişində bu məbləği 12 mlrd. manata qədər azaltmışdı, Apellyasiya məhkəməsi isə onu tamamilə ləğv etmişdi. Lakin Ali məhkəmənin qərarı ilə bu iş yenidən iqtisad məhkəməsinə göndərilib.
