2006-cı ilin yanvar-may aylarında Azərbaycan Dövlət Neft Şirkəti 54 259 metr qazıb. Trend in xəbər verdiyi kimi, bu barədə ARDNŞ-dən məlumat verilib. Bu rəqəm proqnozdan 2 736 metr çox, ötən ilə olan göstərici ilə müqayisədə isə 5 229 metr azdır. 2006-cı ilin mayında yataqlarda 15 068 metr qazılıb.
Bu ilin 5 ayı ərzində istismar qazmanın həcmi 54 009 metr təşkil edib. Bu, həmin dövrə olan proqnozdan 3 086 metr çox, ötən illə müqayisədə isə 5 119 metr azdır. May ayında istismar qazma 15 068 metr təşkil edib.
Yanvar-may ayları ərzində kəşfiyyat qazma 250 metrə bərabər olub. Ancaq həmin dövrdə 600 metrin qazılması planlaşdırılırdı. Bu, ötən illə müqayisədə 110 metr azdır. May ayında kəşfiyyat qazma işləri həyata keçirilməyib.