"Azərenerji" SC yaxın günlərdə Salyanda 220-kilovoltluq yarımstansiyanın inşasına başlayır ki, bu da Salyan və Biləsuvar rayonlarının enerji təchizatını yaxşılaşdırmağa imkan verəcək və Azərbaycanla İranın enerji sistemlərinin sinxronlaşdırma layihəsinin bir hissəsi olacaq. Bu barədə, Trend agentliyinin məlumatına əsasən, SC-dən xəbər veriblər.
Layihənin baş podryatçısı İranın Sunir şirkətidir. Onun subpodryatçısı rolunu isə Azərbaycanın AZENCO şirkəti yeriə yetirir. Tikinti üçün seçilmiş ərazidə topoqrafik, geoloji və geodez işləri, eləcə də seysmoloji tədqiqatlar aparılıb.
Tikintidə respublikada ilk dəfə olaraq dəmir beton dayaqlar tətbiq olunub. Belə dayaqlar Tehran və Mingəçevirdəki zavodlara sifariş edilir.
İşlərin 85%-i İran İxrac Əməkdaşlıq Bankı və 15%-i Azərbaycan hökuməti tərəfindən ayrılmış $75 mln. həcmində kreditin vəsaitləri hesabına həyata keçirilir.
Hər ay Azərbaycan İrandan 40-60 mln. kVt/saat enerji alır. 2005-ci ildə çatdırmanın həcmi 656,6 mln. kVt/s. təşkil edib. Hazırda əsas məqsəd ölkələr arasında enerji mübadiləsinin genişqləndirilməsi və Naxçıvan MR-ə verilən enerji həcminin artırılmasıdır. Eenerji mübadiləsinin 700 MVt-a çatdırılması üçün 330 kilovoltluq Əlibayrmlı DRES- İmişli və ikinci İmişli-Parsabad elektirik ötürmə xəttləri, 220 kilovoltluq Əlibayrmlı DRES- Salyan, Salyan-Masallı, Masallı - Astara EÖX, eləcə də Salyanda müasir yarım stansiyanın tikintisi planlaşdırılır. Bu layihəyə əsasən, EÖX-nin ümumi uzunluğu 350 km. təşkil edir. Ekspertlərin hesablamalarına görə, layihənin gerçəkləşdirilməsi Naxçıvan MR-na 150 MVt elektrik enerjisi çatdırmağa, qışda isə Azərbaycan enerji sisteminin 400 MVt enerjinin daxil edilməsinə imkan verəcək.
