"Azərbaycanın Avropa Birliyinin enerji təhlükəsizliyinin təminatında rolu getdikcə artır". Bu barədə Trend ə müsahibəsində Avropa Komissiyasının xüsusi diplomatik nümayəndəsi Alan Uaddams bəyan edib.
O qeyd edib ki, Avropa Rusiyanın enerji ehtiyatlarından, xüsusilə qazdan asılılığını tam aradan qaldıra bilmədiyindən əlavə mənbələr axtarır. Bu mənada Azərbaycan, Qazaxıstan və Ukrayna enerji təhlükəsizliyinin təminatı baxımından AB üçün əhəmiyyət kəsb etməyə başlayıb.
A.Uaddams hesab edir ki, Azərbaycan enerji istehsal edən ölkə kimi deyil, tranzit ölkə kimi mühüm rol oynaya bilər və bu istiqamətdə böyük perspektivlər var. Qazaxıstanın BTC neft kəməri layihəsinə qoşulması haqqında saziş bu prosesin başlanğıcıdır. Lazımi vaxtda Azərbaycan bütün Mərkəzi Asiya ehtiyatlarının nəqli üçün tranzit ölkəyə də çevrilə bilər. Neft kəmərləri tam gücü ilə işlədikdən sonra Azərbaycan daha çox fayda götürəcək", - deyə A.Uaddams əlavə edib.
