"Azərneftyağ" NEZ bu həftə sənaye yağların təmizlənməsi üçün zavoda Heydər Əliyev adına NEZ-dən (keçmiş "Azərneftyanacaq") oksigen tədarükünün tezliklə bərpa olunacağını gözləyir. Bu barədə Trend ə ARDNŞ-dən xəbər veriblər.
"Heydər Əliyev adına NEZ-də kataliz riforminqi qurğusu iyulun 5-də istismara verilib. Bu, "Azərneftyağ" NEZ-də oksigen tədarükünün bu həftə ərzində bərpa olunmasına imkan yaradacaq", - deyə ARDNŞ-dən bildiriblər.
İyulun əvvəlində ARDNŞ-in Marketinq və iqtisadi əməliyyatlar idarəsi müxtəlif sənaye yağlarının satışı üçün tender keçirib. Lakin "Azərneftyağ" NEZ-ə oksigen tədarük edilmədiyindən, zavod yağları təmizləyə və onları qalib şirkətlərə ixrac edə bilməyib.
Neft məhsulları Petrofarm Singapore, Petrolex Shipping & Supply Co., Deff Innovation LLC, Saknavtobtransi şirkətləri tərəfindən alınıb. Neft məhsulları iyul ayından sentyabrın 30-a qədər göndəriləcək.
