Hazırda Azərbaycanın Dövlət Neft Şirkəti "Bahar" yatağında qazılan quyuda qəzanı aradan qaldırır. Bu barədə ARDNŞ-dən xəbər veriblər. Hazırda quyunun dərinliyi 4 350 metrdir. Onun layihə dərinliyi təxminən 5000 metr təşkil edəcək.
Bu quyunun qazılması nəinki yatağın bu hissəsində, həm də "Bahar-2" yatağında sonrakı qazma işləri üçün böyük əhəmiyyət kəsb edir. ARDNŞ-in məlumatına görə, dəniz yatağının bu hissəsində 5 mln. tona qədər şərti yanacaq ola bilər. Lakin qazıntı üçün böyük kapital xərcləri tələb olunduğundan, qazıntı işləri, demək olar ki, aparılmır.
