2006-cı ilin yanvar-avqust aylarında Azərkimya DK 547 min manat məbləğində məhsul istehsal edib. Şirkətdən Trend ə verilən xəbərə görə, ümumilikdə dövlət qurumunun müəssisələrində istehsalat göstəriciləri 2005-ci ilin analoji dövrü ilə müqayisədə 31,8% artıb. Proqnoz 144,8% yerinə yetirilib.
Bu dövr ərzində yüksək təzyiqli polietilen 35,7% çox, butadien - 33,7%, butilen-izobutilen fraksiyaları - 36,5%, propilen oksidi - 58,3%, poliefir qatranı - 97,7%, maye kaustik soda- 32,5%, mütləqləşdirilmiş izopropil spirti - 20,6% çox istehsal edilib.
Bu dövrdə Azərkimya DK məhsullarının böyük hissəsi Türkiyə, Rusiya, Gürcüstan, Latviya, İtaliya, İspaniya, Belçika, Türkmənistan, Özbəkistan, Ukrayna, İran və İraqa ixrac olunub.
