Bu il Azərbaycan "Şahdəniz" qaz-kondensat yatağından 700 mln kub metrdən çox qaz alacaq. Bu barədə Trend ə ölkənin Sənaye və Energetika Nazirliyindən məlumat verilib.
Azərbaycan bu qazı əvvəllər imzalanmış "Alqı-satqı haqqında" müqavilə çərçivəsində alacaq. Respublika əlavə həcmi o halda ala bilər ki, Türkiyə Cənubi-Qafqaz qaz kəmərinin öz hissəsini başa vurmaması ilə əlaqədar müqavilədə göstərilmiş qazın həcmini qəbul edə bilməsin.
2006-cı ildə yataqdan təxminən 1 mlrd 200 mln kub metr qazın hasil ediləcəyi nəzərdə tutulur.
Müqaviləyə görə, yataqdan hasil edilən qaz Azərbaycan, Türkiyə və Gürcüstana, kiçik bir hissə isə BTC Co şirkətinə satılacaq.
