Sentyabr ayında "Çiraq" platformasından 21 mln. 443 min kubmetr qaz hasil edilib ki, bu da keçən ilin analoji dövründən 28,6% azdır. Bu barədə Trend ə Azərbaycan Dövlət Neft Şirkətindən məlumat verilib. Cari ilin yanvar-sentyabr ayları ərzində platformadan 557 mln. 968 min kubmetr qaz hasil olunub, - deyə ARDNŞ-dən bildiriblər.
2006-cı ilin ikinci kvartalı ərzində "Çiraq" platformasından hasil olunan səmt qazının bir hissəsi əvvəlki kimi 16 düymlü dəniz qaz kəməri vasitəsi ilə ARDNŞ-in "Neft Daşları"ndakı kompressor stansiyasına göndərilib. Səmt qazının qalan hissəsi isə may ayının sonundan "Azəri" yatağında laylara su vurmaq üçün "Mərkəzi Azəri"dəki kompressor və suvuran platformalarına göndərilir.
Kompressor və suvuran platformalarının istismara verilməsi nəticəsində "Çiraq" platformasında qazın yandırılması dayandırılıb. Hal-hazırda "Çiraq" yatağında 20 quyu istismar olunur. Onlardan 14-ü neft hasil edən, 6-sı isə suvuran quyulardır.