Noyabrın 27-də "Kürsəngi-Qarabağlı" onşor yatağında iş aparan Salyan Oil şirkətinin idarəetmə komitəsinin iclası gözlənilir. İclasda gələn il həyata keçiriləcək işlərin büdcəsi müzakirə olunacaq. Bu barədə Trend ə şirkətdən məlumat verilib.
Daha əvvəl ARDNŞ və Salyan Oil nümayəndələri texniki komitənin iclasını keçirib. Bu görüşdə gələn il üçün iş planı müzakirə olunub. İlkin qərara görə, ƏŞ gələn il 6 quyu qazacaq. Hazırda bunlar istismar quyu kimi nəzərdə tutulur. Ancaq gələcəkdə subasma quyusunun da qazılmasına dair qərar qəbul oluna bilər.
2006-cı ildə müqavilə sahəsində 8 quyu qazılacaq. 4 quyu istismar, 2 - laya su vurma, 1- kəşfiyyat, 1 isə qiymətləndirmə quyusu kimi planlaşdırılıb. Nəzərdə tutulan sərmayələrin həcmi təxminən $50 mln. təşkil edəcək. Qazma işləri Çinin Great Wall qazma podratçısı tərəfindən həyata keçiriləcək.