"Salyan Oil" şirkətindən Trend ə verilən mülmata görə, "Kürsəngi-Qarabağlı" yatağında işlər aparan şirkətin əməliyyat komitəsində gələn il üçün görüləcək işlərin büdcəsi təxminən 43,5 mln. dollar səviyyəsində təsdiq edilib. Gələn il cəmi 6 quyunun qazılması nəzərdə tutulur. Bu quyuların hamısı istismar quyusu kimi nəzərdə tutulub. Gələn həftə bu təkliflərin təsdiqlənməsi planlaşdırılan işçi komitənin keçirilməsi nəzərdə tutulur. Bundan əvvəl isə ARDNŞ və "Salyan Oil" nümayəndələri texniki komitənin iclasını keçirmiblər.Bu görüşdə gələn il üçün iş planı müzakirə edilib. Qəbul olunmuş qərara əsasən əməliyyat şirkəti gələn il 6 quyu qazacaq.
2006-cı ildə müqavilə meydanında 5 quyunun qazılması (sonuncu quyu gələn ilə saxlanılmaqla) nəzərdə tutulur. Nəzərdə tutulan investisiyaların həcmi təxminən 50 mln. dollar təşkil edəcək. Qazma işləri Çinin "Great Wall" qazma podratçısı tərəfindən həyata keçiriləcək.
